Hagina, "zuhaitz magikoa"

Haginak (Taxus) Taxaceae familiako zuhaitz generoa da, berez eskualde menditsuetakoak dira, giro fresko eta hezekoak, eta kareharriz osaturiko lursailetan haiz ohi dira. Euskal Herriko hagina (eta Europakoa nahiz ondoko Afrikako nahiz Asiako lurretakoa) hagin arrunta da.

 

 Bere zura edo egurra oso gogorra da, pikor edo ale fin eta estukoa, zurgintza eta egur tailaketarako egokia eta oso estimatua da; alabaina, behar adineko lodiera duten piezak urriak dira, oso geldo hazten den landarea baita, eta haren erabilera mugatua da, beraz.